Zuozinghers survegnan üna chesa da parker

Que zieva cha la suprastanza cumünela ho examino püs lös per la fabricher ed ho eir clappo «üna schleppa» zieva avair preschanto la prüma varianta. In schner da l’an 2012 ho il suveraun da Zuoz già üna vouta decis a reguard üna chesa da parker. Cun ün cler na ho el però sbütto il proget chi custaiva glistess bger, chi füss però gnieu realiso i’l minz da la vschinauncha. Il proget «Mareg», il quêl vain uossa realiso, prevezza da fabricher la nouva chesa da parker a l’ur da la vschinauncha e dal collier cun ün tunnel suotterraun per pedunzs cul minz da la vschinauncha. Quel tunnel ho üna lungezza da circa 110 meters e sorta i’l üert da la baselgia refurmeda chi’s rechatta immez la vschinauncha.