In sulet resultat maximal
(anr/gv) Beat Meier da Schiers ei il sulet tiradur grischun cul resultat maximal al Tir campester 2011. Il tiradur da 23 onns ha sittau 18 ga il da quater e gudignau la lutga avon nov tiradurs ed ina tiradura cun 71 puncts, denter quels dus tiradurs dalla Societad da tir Castrisch.
(anr/gv) Beat Meier da Schiers ei il sulet tiradur grischun cul resultat maximal al Tir campester 2011. Il tiradur da 23 onns ha sittau 18 ga il da quater e gudignau la lutga avon nov tiradurs ed ina tiradura cun 71 puncts, denter quels dus tiradurs dalla Societad da tir Castrisch.
3979 tiraduras e tiradurs han sittau il Tir campester el Grischun
Per la suprastonza dall’Uniun da tir grischuna ei il diember da participonts bunamein schi impurtont sco il resultat dils tiradurs. El Grischun han 3979 tiraduras e tiradurs sittau il Tir campester. Quei ein en tut 211 pli pauc ch’igl onn vargau e per l’emprema ga meins che 4000. La digren da 151 tiradurs ha Walter Wieland, il schef dil Tir campester, nudau silla distanza da 300 meters ed in minus da 60 tiradurs culla pistola silla distanza da 25 e 50 meters. En Surselva han 687 tiraduras e tiradurs sittau alla pli gronda fiasta da tir dil mund ed el ei cun quei diember il district culs pli biars tiradurs. La digren dil diember en Surselva munta 60, da quei 55 silla distanza da 300 meters. Il district Plessur ha nudau il secund grond diember da participonts. Leu han 634 tiradurs sittau il Tir campester. Dils 2956 participonts che han sittau sin 300 meters ein 142 stadas damas, 226 veterans seniors e 420 veterans. Plinavon han varga 500 tiradurs giuvens e giuvenils sittau il Tir campesters 2011. 77% dis participöonts han contonschiu il resultat da medaglia. Culla fin da redacziun eran ils resultats da pistola aunc buc avon maun.
Resultats: 72 puncts: Beat Meier, Schiers; 71: Georg Cabalzar, Castrisch; Kaspar Hartmann, Schiers; Jürg Carnot, Samignun; René Frauenfelder, Mutten; Andreas Bühler, Masein; Michael Jenal, Zernez; Meta Imhof, Schuders; Jan Caprez, Tavau; Daniel Cabalzar, Castrisch e Franco Eisenhut, Vaz-sut.
Secziuns: classa da fermezia 1: Puschlav, 62.46; 2. Tavau, 60.632; classa 1: Sent, 65,848; 2. Albula, 65.026; classa 3: Tumegl, 65,651; 2. Tusaun, 65,456; classa 4: Ruschein, 67,667; 2. Castrisch, 67,467; 3. Schiers, 64,455; 4. Jenins, 67,125.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.