Nagin monopol da cassas da malsauns

Tuttas stentas da franar ils custs han ins tramess da la glatscha giu. En quest senn recumonda il parlament al pievel da refusar l’iniziativa da la sanestra. En la debatta d’entrada dad ier en il cussegl naziunal han las partidas burgaisas admonì da dismetter la concurrenza e da surdar il sectur da la sanadad a la confederaziun. Ina midada dal sistem custia duas milliardas francs e pericliteschia plazs da lavur en las regiuns. Ils iniziants fan attent a las grevas mancanzas dal sistem existent che na saja betg abel da franar ils custs. Els crititgeschan che la concurrenza na funcziunia betg e punctueschan er che las expensas per la reclama per l’administraziun vegnissan reducidas.