Martin Albin – 29 onns president
(mc) Martin Albin (60) astgass esser il president communal ch’ei staus il pli ditg en uffeci digl entir Grischun, sche buca dall’entira Svizra. Duront buca meins che 29 onns ha il pur presidiau sia vischnaunca nativa da S.
(mc) Martin Albin (60) astgass esser il president communal ch’ei staus il pli ditg en uffeci digl entir Grischun, sche buca dall’entira Svizra. Duront buca meins che 29 onns ha il pur presidiau sia vischnaunca nativa da S.
Martin. Cun ses 31 habitonts ei S. Martin bein la pli pintga vischnaunca sursilvana ed ina dallas pli pintgas vischnauncas dil Grischun. Dalla structura ei S. Martin ina tipica vischnaunca gualsera che consista aunc oz ord otg «hofs» habitai sur onn, numnadamein S. Martin, Lunschania, Mont, Buccarischuna, Montasg, Gadastatt, Mariaga e Travisasch. Buca pli habitai ein Haspel e Feistenberg. Puncts culminonts ella activitad da Martin Albin alla testa dalla vischnaunca ein la realisaziun dalla migliuraziun che ha procurau in access carrabel per tut ils uclauns, la renovaziun da tuttas quater capluttas ed il provediment d’aua. Grazia allas entradas en connex culla explotaziun dallas auas ei S. Martin ina vischnaunca beinstonta, per la realisaziun da projects pli gronds eis ella denton grondamein dependenta dalla solitaritad d’ordeifer.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.