Il spital da Mustér sco archiv?
Igl onn 2005 ha l’armada svizra informau la claustra e la vischnaunca da Mustér ch’ella siari il spital militar baghegiaus igl onn 1970. Tgei che duei schabegiar cun quell’infrastructura intacta e quasi nova dall’armada vul la claustra ussa prender sezza enta maun.
Igl onn 2005 ha l’armada svizra informau la claustra e la vischnaunca da Mustér ch’ella siari il spital militar baghegiaus igl onn 1970. Tgei che duei schabegiar cun quell’infrastructura intacta e quasi nova dall’armada vul la claustra ussa prender sezza enta maun.
Ina schanza per in archiv cultural sursilvan
Dad augustin beeli / anr
Per la Surselva seporscha la schanza da fundar in archiv cultural sursilvan. Ei duvrass denton ina coordinaziun, finanzas ed in patertgar regiunal. Avon duas jamnas ha LQ rapportau d’in archiv cultural sursilvan che maunca ella regiun. En Surselva dat ei in tozzel museums che conservan rauba che documentescha veta, lavur e cultura da pli baul. Per l’atgna identitad eis ei impurtont d’enconuscher fatgs e connex culturals. Ch’ei maunca in archiv cultural per conservar e tgirar scartiras e documents ord relaschs ed archivs privats ei dapi onns in fatg ch’ins deplorescha. Gia igl onn 2005 han ins giu en vesta ina caschun e spitgau cun quella tochen oz. Nov onns pli tard seporscha la schanza da scaffir in archiv cultural sursilvan. Quel savess esser organisaus semegliont sco il Museum regiunal Surselva, semplamein cun localitads adattadas cun schurmetg da clima e garanzia da conservar actas. Igl anteriur spital militar dall’armada sut il gimnasi claustral a Mustér fuss cun 3000 m2 gronds avunda per in tal implont.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.