Il MRS viseta Ruschein: Affonza el vitg
(anr/sr) Venderdis, ils 17 da settember 2010 allas 20.00 envida il Museum Regiunal Surselva MRS a Ruschein ad in'ulteriura sera ord la seria «Historia(s) en plaid e maletg».
(anr/sr) Venderdis, ils 17 da settember 2010 allas 20.00 envida il Museum Regiunal Surselva MRS a Ruschein ad in'ulteriura sera ord la seria «Historia(s) en plaid e maletg».
Per quell'occurrenza prendan las collavuraturas dil MRS a Glion si Ruschein ina valischa cun films davart la veta a Ruschein els onns entuorn 1940 e 1970. In film da Louis Hartman documentescha il mintgadi dil cavrer da Ruschein (1949). Ulteriuras ovras che documenteschan la veta da pli baul ein d'Albert Klaiss e muossan la scoletta e la scola primara, ils usits da cattar biemaun e dils treis sogns Retgs (1973). Da lur affonza relatan ils hosps Fidelia Coray, Gion Mathias Cadruvi e Curdin Cavegn. Els discuoran culla moderatura Maria Cadruvi che meina era in'ulteriura runda da discussiun cun Nicolaus Caduff, Patricia Cadruvi e Lydia Coray. Ella secunda part va ei per cundiziuns da basa giavischeivlas per famiglias giuvnas che vivan en ina vischnaunca muntagnarda. L'occurrenza vegn organisada en cooperaziun cun l'Uniun da dunnas Ruschein/Ladir.
www.museumregiunal.ch
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.