Hansjörg Hassler remetta il presidi

Sco quei che l’Uniun alpestra svizra ha communicau remetta il cusseglier naziunal grischun siu uffeci al tgamun dalla uniun che vala sco gruppa d’interess dall’alpegiaziun svizra. Dapi igl onn 2006 representa il president dall’Uniun purila grischuna Hansjörg Hassler las finamiras dall’alpegiaziun svizra ella politica federala e viers la publicitad. Sco successur al tgamun dalla Uniun alpestra svizra propona la suprastonza il cusseglier naziunal bernes Erich von Siebenthal. Tenor la veglia dalla suprastonza dalla Uniun alpestra svizra vegn Erich von Siebenthal eligius sco president a caschun dalla radunonza generala che ha liug il zercladur en Lumnezia. Ferton che Hansjörg Hassler fa part dalla pbd ei Erich von Siebenthal commember dalla pps.