Gasparin grazia las bunas prestaziuns en il cader A

Sia sora Selina Gasparin resta sco suletta Svizra en l’equipa naziunala. Selina Gasparin è dapi onns la meglra biatleta svizra. Cun ils plazs 4, 6 e 7 ha ella manchentà la stagiun passada 3 giadas mo per pauc in plaz sin il podest en la cuppa mundiala.

Beat Clopath ha gudagnà a Domat la lutga da primavaira grischuna. En il cumbat final ha el dumagnà en dies ses frar Marco. Igl è stà l’emprima festa da lutga sut tschiel avert da quest onn. Il final è stà in cumbat tranter ils dus frars Beat e Marco Clopath. Beat ha battì ses frar avant var 2000 aspectaturs. En tut han 60 lutgaders fatg part da la lutga da primavaira.

Ils finals da l’unihockey svizzer restan plain tensiun. Entant che las dunnas da Piranha Cuira han pudì egualisar la seria da final, n’han ils umens dad Alligator Malans betg pudì nizzegiar l’emprima balla da match. Piranha Cuira ha gudagnà ordaifer cunter Dietlikon cun 6:3. En la seria statti ussa 2:2 ed i dat ina finalissima. Alligator Malans ha pers il gieu a chasa cunter Köniz cun 4:5. En la seria mainan els dentant cun 3:2. Proxima schanza per els da vegnir campiun svizzer datti sonda proxima a Malans.

Var 500 scolaras e scolars èn sa participads a la cursa internaziunala da skis a Samignun. Ils uffants dad 8 fin 16 onns derivan da 12 pajais da l’Europa.La cursa vala dapi 11 onns sco grond final da la stagiun da skis da giuventetgna e sport. Ils uffants grischuns han mussà fitg bunas prestaziuns, quai tenor Xaver Frieser, trenader dal team JO Samignun.