Dus Lumnezians el comite central
(anr/gc) Alla fin dalla jamna ha la Societad da students svizzers (SSS/StV) salvau sia 166. Fiasta centrala – e per la 9. ga a Brig. Quella vegn ad ir ellas annalas, essend ch’ins ha decidiu da far ord l’uniun dils activs e quella dils anteriurs – che fuvan tochen dacheu independentas – mo pli ina uniun:
(anr/gc) Alla fin dalla jamna ha la Societad da students svizzers (SSS/StV) salvau sia 166. Fiasta centrala – e per la 9. ga a Brig. Quella vegn ad ir ellas annalas, essend ch’ins ha decidiu da far ord l’uniun dils activs e quella dils anteriurs – che fuvan tochen dacheu independentas – mo pli ina uniun:
SSS. L’uniun fusiunada vegn presidiada dil parsura central – per igl onn proxim dalla studenta Katrin Stutz. Dalla suprastonza dalla SSS unida fan tschun students activs part. Denter ils eligi secattan uonn era dus Lumnezians: Gabriel Sgier, da Surin/Lumbrein, e Jérémie Projer, burgheis da Vella e sesents a Losanna. Gest dus Lumnezians enina en quella aulta scharscha ha ei aunc mai dau. Gabriel Sgier ei dil reminent vegnius presentaus per romontsch.
Da quei niev gremi directiv – da diesch dels – fan egl avegnir tschun representants dils activs ed ual tons dils anteriurs part. Tochen dacheu haveva l’Uniun dils anteriurs ina suprastonza da siat commembers. Ussa eis ei mo pli tschun. Denter quels ch’ein seretratgs da quei gremi secatta era Filip Dosch, Cunter, che ha apparteniu diesch onns alla suprastonza dils anteriurs sco representant dalla Romontschia. Pil mument ei quella ussa representada el niev comite tras il Lumnezian Gabriel Sgier, ferton che l’auter burgheis lumnezian, Jérémie Projer, ei vegnius delegaus dalla Svizra franzosa.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.