Cumbat per mintga singul punct

Di da tir dalla giuventetgna e dils tiradurs giuvens

Ella categoria dils giuvens tiradurs han treis tiradurs contonschiu il resultat da 93 puncts. Denter quels David Solèr e Mattiu Cabalzar da Castrisch ch’ein aschia serangai sils emprems dus plazs muort meglieras prestaziuns ella seria. Il tierz rang ei vegnius contonschius dad Urs Meier dalla Societad da tir Schuders. En quella categoria ha la Societad da tir Castrisch era gudignau la concurrenza da gruppas. Robin Studer, David Solèr, Mattiu Cabalzar e Cedric Spescha han contonschiu communablamein 714 puncts ed aschia treis dapli che la gruppa dalla Società da tregants Sent. Ella categoria dils juniors ha Miguel Sgier dalla Societad da tir Tumegl contonschiu 92 puncts ed aschia igl emprem rang. Secunda daventa Celinè Höltschi dalla Societad da tir Malix cun 90 puncts e medemamein 90 puncts contonscha il tierz Scott Rüesch dalla Societad da tir Monstein. En quella categoria gudogna la Societad da tir Schuders la concurrenza dallas gruppas e quei cun sis puncts avantatg sin la Societad da tir Aschera ed otg puncts avon la Società da tregants Sent. Tut en tut ein 102 giuvnas e giuvens tiradurs digl entir cantun Grischun separticipai al di da tir dalla giuventetgna e dils tiradurs giuvens a Samedan. Facit dil cau dalla giuventetgna e scolaziun tier l’Uniun da tir cantunala dil Grischun, Walter Umbricht: «Igl ei stau in bellezia di e cun gronda disciplina duront igl entir arranschament.»

Rangaziun

Singul giuvens tiradurs: 1. David Solèr, Castrisch, 93; 2. Mattiu Cabalzar, Castrisch, 93; 3. Urs Meier, Schuders, 93; 4. Robin Studer, Castrisch, 92; 5. Marc Hohenegger, Müstair, 92; 6. Mauro Ardüser, Tumegl, 91; 7. Martin Succetti, Tumegl, 91; 8. Martin Alig, Vrin, 90; 9. Tinet Steinemann, Sent, 90; 10. Marco Hanselmann, Tumegl, 89.

Gruppas giuvens tiradurs: 1. Societad da tir Castrisch (Robin Studer, David Solèr, Mattiu Cabalzar, Cedric Spescha) 714; 2. Società da tregants Sent (Gian Marco Raisun, Urs Valentin, Mauro Fedi, Laurin Caprez) 711; 3. Societad da tir Schuders (Laura Thöny, Urs Meier, Thomas Tarnutzer, Andres Frey) 690 ; 4. Societad da tir Tumegl, 675; 5. Societad da tir Aschera, 675.

Singul juniors: 1. Miguel Sgier, Tumegl, 92; 2. Celinè Höltschi, Malix 90; 3. Scott Rüesch, Monstein, 90; 4. Nik Heldstab, Aschera, 89; 5. Nico Baumgartner, Aschera, 88; 6. Pius Curschellas, Sedrun, 87; 7. Sandro Züst, Aschera, 86; 8. Roman Frey, Aschera, 86; 9. Nic Conrad, Monstein, 86; 10. Marc Tognola, Grono, 86.

Gruppas juniors: 1. Societad da tir Schuders (Claudio Flütsch, Simon Thöny, Fabian Holzknecht) 512 ; 2. Societad da tir Aschera (Nico Baumgartner, Damian Pitschi, Nik Heldstab) 506; 3. Società da tregants Sent (Curdin Andry, Men Duri Gaudenz, Mario Florineth) 504; 4. Societad da tir Tumegl, 495; 5. Societad da tir Castrisch, 491.