Cant per senioras e seniors da Segnas
(anr/ff) La dumengia vargada han ils vischins da Segnas festivau igl ault anniversari da 100 onns da Mathilda Desax. Il chor viril e da baselgia ha cantau canzuns popularas profanas.
(anr/ff) La dumengia vargada han ils vischins da Segnas festivau igl ault anniversari da 100 onns da Mathilda Desax. Il chor viril e da baselgia ha cantau canzuns popularas profanas.
La dunna ha persequitau las producziuns cun preschientscha attenta. En casa da tgira a Mustér gauda ella l’attenziun ed il quitau ch’ella retscheiva. Ligiada vid la sutga da rodas eis ella tonaton engrazieivla e cuntenza cun sia situaziun. Duront sia veta ha ella viviu en famiglia da ses fargliuns e fatg leu survetschs per ses tierparents. Sia sora , ella ha era gia passau 90 onns, fa savens alla giubilara cumpignia e cuort’uriala.
In ulteriur giubilar presents ei anteriur scolast . El ha cumpleniu uonn 85 onns. Il Chor viril e da baselgia Segnas ha occupau in impurtont plaz en sia veta. La medaglia da meret digl uestg e quella «bene merente» dil papa ein segns d’engraziament per fideivladad ed engaschament. Il cantadur ed organist d’honur teidla oz cun ureglia attenta las canzuns dil chor. En siu plaid lai el reviver enzacons muments da success e plascher duront il temps da sia activitad musicala. La canzun dil signun, la quala el ha pli baul cantau e dirigiu cul chor da Segnas, contan ils cantadurs sco regal da reminiscenza per Albert Berther.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.