Caduff Haustechnik cun ina purschida cumpleina
(cp) L’interpresa da famiglia Caduff Haustechnik AG lavura dapi 40 onns cun success ellas spartas d’installaziuns sanitaras, ventilaziuns, scaldaments e planisaziuns.
(cp) L’interpresa da famiglia Caduff Haustechnik AG lavura dapi 40 onns cun success ellas spartas d’installaziuns sanitaras, ventilaziuns, scaldaments e planisaziuns.
Naven digl 1. da mars 2011 augmenta la fatschenta sia paletta da survetschs cun ina partiziun d’electro. Caduff Haustechnik entscheiva igl onn cun novaziuns. L’interpresa introducescha da niev ina partiziun d’electro. Naven digl 1. da mars ei Caduff Haustechnik AG purschider concessiunau d’installaziuns d’electro. «Nus selegrein da saver cumpletar nossa purschida e stein a disposiziun a nossa clientella cun in survetsch cumplein sil sectur dalla tecnica da casa», declara il meinafatschenta Iso Caduff. Cun Georg Derungs da Vignogn stat in um cumpetent e beinenconuschent dalla branscha a disposiziun. Igl installatur d’electro cun diplom federal ei responsabels per la partiziun d’electro da Caduff Haustechnik. Quella purschida cumpeglia survetschs da telefonia, current da tensiun bassa, installaziuns d’EDV, televisiun da cabel, optimaziun d’energia, apparats d’electro per il tenercasa, tecnica solara e tschetschapuorlas centrals.
In’ulteriura novaziun ei la cumparsa modernisada da communicaziun cun in niev logo. Iso Caduff declara sia motivaziun per la nova cumparsa: «Nus sesviluppein dapi varga 40 onns, ademplin aultas pretensiuns da qualitad e nies know-how e la tecnica ein adina sil pli niev stan – cheu lein nus era adattar nossa cumparsa visuala.»
L’interpresa
L’interpresa renomada Caduff Haustechnik AG ei gia daditg s’etablida en Surselva. 1969 eis ella vegnida fundada dad Ignaz Caduff. Dapi lu eis ella carschida ad in’interpersa plein success cun 15 conluvrers (da quei 4 emprendists). All’entschatta purscheva la fatschenta lavurs el sectur d’installaziuns sanitaras, da scaldaments e da planisaziuns. Quella purschida ei vegnida augmentada ils davos onns culla sparta da ventilaziuns, in survetsch da 24 uras ed uss ina purschida d’electro. La fatschenta ei presenta en atgnas localitads a Vattiz, Glion e Sursaissa. Avon quater onns ha il fundatur surdau la fatschenta a siu fegl Iso Caduff ch’ei inschegnier diplomau FH/HLK. Ignaz Caduff sustegn la fatschenta vinavon cun sia gronda experientscha.
Ivo Caduff (sen.) ed Ignaz Caduff augmentan la fatschenta da survetschs cun ina partiziun d’electro.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.