In segund tunnel d’autos atras il Gottard?
(anr/vi) Quatter uras ha la chombra pitschna discuttà ier davart in segund tunnel d’autos atras il Gottard. La decisiun han ils parlamentaris spustà.
(anr/vi) Quatter uras ha la chombra pitschna discuttà ier davart in segund tunnel d’autos atras il Gottard. La decisiun han ils parlamentaris spustà.
Cun 25 cunter 16 vuschs è il cussegl dals chantuns entrà en materia. Proxima gievgia cuntinuesch’ins la debatta. Sco emprim èsi da decider davart las trais propostas da renviar la fatschenta al cussegl federal cun l’incumbensa da sclerir per exempel anc dumondas da finanziaziun. Questas propostas han dentant strusch ina schanza. Ellas vegnan da la medema gruppa che ha gia stuì succumber ier cun betg vulair entrar en materia.
Uschia vegn la chombra pitschna probabel a suandar il cussegl federal: Lez giavischa in segund tumbin per autos atras il Gotthard per sanar il tunnel existent ch’ins ha avert il 1980. Cun in segund tunnel duain ins pudair garantir ch’il transit da las Alps culia senza incaps durant las lavurs da renovaziun. Suenter la sanaziun stessan a disposiziun dus tunnels. Il cussegl federal planisescha da lura duvrar sulet in vial en mintga direcziun.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.