René Epp per Placi Berther?
Las elecziuns dallas deputadas e dils deputai questa primavera el cumin dalla Cadi empermettan apparentamein buca gronda tensiun. Da remplazzar ein Placi Berther e Martin Candinas ch’ei vegnius tscharnius el cussegl naziunal.
Las elecziuns dallas deputadas e dils deputai questa primavera el cumin dalla Cadi empermettan apparentamein buca gronda tensiun. Da remplazzar ein Placi Berther e Martin Candinas ch’ei vegnius tscharnius el cussegl naziunal.
Placi Berther seretila suenter 14 onns sco deputau dalla Cadi
Da Hans Huonder / anr
Quater candidats pils tschun sezs dalla Cadi el cussegl grond ein enconuschents. Heinrich Berther, Gabriela Tomaschett-Berther e Maurus Tomaschett recandideschan, ferton che Erwin Degonda che sesa dapi treis onns sco suppleant per Martin Candinas el parlament candidescha da niev. Tgi daventa successur da Placi Berther che seretila? Sin damonda dall’Agentura da novitads rumantscha ha René Epp confirmau siu interess per quei sez. Dapi quater onns eis el suppleant da deputau e dapi che Erwin Degonda sesa per Martin Candinas permanentamein el cussegl grond eis el schizun igl emprem che vegn en damonda en cass ch’in deputau dalla Cadi lai perstgisar. «Jeu haiel interess dil post che daventa vacants sin fundament dalla demissiun da Placi Berther», di René Epp. D’ulteriuras candidaturas eis ei buca stau d’udir entochen ussa, cun excepziun digl interess dil president communal da Mustér, Francestg Cajacob: «Jeu haiel aunc buca decidiu tgei far. Igl interess pil post da deputau ei avon maun.»
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.