×

Lothar Deplazes ei morts

(cp) A Küsnacht/ZH ei Lothar Deplazes (*1939) morts ils 2 da fevrer. El ei carschius si a Sagogn e viveva a Küsnacht sper Turitg. El ha studegiau historia e germanistica e doctorau all’Universitad da Turitg nua ch’el ha luvrau silsuenter en in center da retscherca historica e linguistica per il Tessin ed ei staus docent incaricau.

Südostschweiz
04.02.15 - 01:00 Uhr

El ha publicau ediziuns da documents e studis oravontut sur dalla historia medievala dils cantuns Grischun e Tessin ed ediu las Ovras dil liricher e satiricher Gion Cadieli. Dapi 1991 ha el luvrau per il «Cudesch grischun da documents». Sias ovras litteraras cumpeglian treis librets per operas dil cumponist ­Gion Antoni Derungs e raquens cuorts e poesias ch’el ha translatau per part en tudestg e publicau igl emprem en revistas ed antologias. 2004 ei siu emprem tom da poesias Enzennas dil cunfar cumpa­rius, 2009 siu tom raquens cuorts Termagls dil temps/Zeitspiele e 2013 siu tom poesias Umbrivas muentadas/Bewegte Schatten.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR