Las pistas ein semtgadas

Restricziuns datti en tut ils loghens da skis en Surselva, las pli paucas a Sedrun ed a Laax. A Sedrun produceschan ils canuns neiv per bunamein 80% dallas pistas aschia ch’il menaschi ei bunamein cumplein en funcziun. A Mustér han ils emploiai semtgau la pista da Lai Alv a Caischavedra senza agid dils canuns e tenor informaziun dil directur Ruedi Büchi dallas pendicularas ei quella pista da buna qualitad. A Breil ein las pistas a val aunc buca semtgadas, mo las pistas dall’Alp Dado ensiviars ein top. Il medem vala per las pistas da Cuort tochen a Vella. La proxima neiv datti tenor la prognosa da Meteo Svizra da Nadal sin sogn Stiafen.