Christian Rathgeb – candidat liberal
(mc) Per las elecziuns cumplessivas da la regenza grischuna dals 18 da matg 2014 porta la Partida liberaldemocratica dal Grischun ses cusseglier guvernativ en uffizi Christian Rathgeb per ina ulteriura perioda d’uffizi.
(mc) Per las elecziuns cumplessivas da la regenza grischuna dals 18 da matg 2014 porta la Partida liberaldemocratica dal Grischun ses cusseglier guvernativ en uffizi Christian Rathgeb per ina ulteriura perioda d’uffizi.
Il candidat liberaldemocrat Christian Rathgeb (44) è oriund da Razén, nubil e bab dad in figl e duas figlias. Suenter avair acquistà la matura C a la Scola chantunala grischuna ha studegià Rathgeb giurisprudenza a l’Universitad da Turitg e concludì ses studi cun il doctorat davart il svilup dal dretg constituziunal dal Grischun en il 19avel tschientiner. Da 2002 fin 2012 ha el pratitgà sco advocat a Cuira.
Christian Rathgeb è stà 1986 confundatur da la pld dals giuvens ed ha presidià la pld grischuna da 2003 fin 2008. Da 2006 fin 2012 è Rathgeb stà deputà da la pld da Cuira en il cussegl grond ch’el ha presidià 2009. Dapi 2012 è Christian Rathgeb cusseglier guvernativ e schef dal departament da giustia, segirezza e sanadad. Ses hobis èn sport, istorgia grischuna, architectura e lavur en curtin e si culm.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.