Bun on pel Lyceum Alpinum Zuoz

In venderdi han els preschantà il rapport da gestiun dal 2012/13. «Ils resultats cha nossa scoula po demuossar per l’on da gestiun passà sun tuot in tuot allegraivels», han declerà ils respunsabels dal Lyceum Alpinum a Zuoz als rapreschantants dals mezs da massa. Sco chi han cuntinuà s’haja ragiunt i’l internat ün’occupaziun dad 87 pertschient e ch’eir las cifras da l’externat sajan bunas, schi’s pensa al svilup demografic cun adüna damain uffants. Il schmertsch da l’on es bainschi plü bass co quel da l’on da gestiun passà; cha grazcha a la controlla consequainta dals cuosts da gestiun e da persunal s’hajan ils cuosts da gestiun però sbassats.