Armada resta a Cuira
(mc) En connex cun la restructuraziun e reducziun da l’armada ha il Grischun perdì radund 140 plazzas da lavur. Las 150 plazzas restantas duessan ussa dentant esser segiradas.
(mc) En connex cun la restructuraziun e reducziun da l’armada ha il Grischun perdì radund 140 plazzas da lavur. Las 150 plazzas restantas duessan ussa dentant esser segiradas.
Regenza beneventa il concept da staziunament da l’armada
Entant ch’il champ da truppas a Breil en Surselva vegn serrà duain las plazzas d’armas a Cuira, S-chanf, Valragn e Luziensteig vegnir duvradas er vinavant. Enstagl dal commando da la brigada d’infantaria da muntogna 12 che vegn dissolvà vegn il commando da la brigada mecanisada 11 transferida da Winterthur a Cuira. Plinavant quinta la confederaziun d’investar en ils proxims 4 onns radund 130 milliuns per meglierar l’infrastructura da las plazzas d’armas en il Grischun. Damai che las plazzas d’armas numnadas vegnan duvradas vinavant quintan ins che las 150 plazzas actualas sajan segiradas. Tut en tut èn tant cusseglier guvernativ Christian Rathgeb sco il president da la citad da Cuira Urs Marti cuntents cun il nov concept da staziunament, uschia che l’armada restia vinavant in partenari fidà.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.