Agüd per sulvaschina in Engiadin’Ota

Schabain cha la directiva da pavler la sulvaschina in Engiadin’Ota es gnida fatta da la pü ot’instanza grischuna nu sun tuots d’accord cun quella. Cha’s stuvess lascher lavurer la natüra e que eir scha quella pissera per sulvaschina perida, ho que nom da tscherts adversaris da la masüra tratta la fin d’eivna passeda. Otras persunas invezza sun cuntaintas cha las povras bes-chas aint il god survegnan pevel. Da las pavler in cumün füss però cuntraproductiv, decleran ils perits explicitamaing.