Meine erste Baustelle – eine kleine Liebeserklärung

Von Fadrina Hofmann

Ich baue. Ja, meine Wohnung wird um drei Zimmer grösser. Aus zwei Kellern und einem Musikzimmer entsteht mein neues Reich: Schlafzimmer, Büro, Dusche und WC. Das hört sich nach wenig an, ist jedoch eine kostspielige Sache, die viel Lärm und Dreck mit sich bringt. Sobald ich erwähne, dass ich umbaue, reagieren die Leute immer wieder gleich: Ui, rechne mit Unregelmässigkeiten! Du wirst sehen, die Handwerker kommen und gehen, wann immer es ihnen passt. Das kann lange dauern. Und alles wird noch mindestens zehn Prozent teurer als vorgesehen.

Oha, dachte ich mir. Das könnte anstrengend werden. Ich muss zugeben, dass das Planen und Delegieren eines Baus nicht zu meinen Leidenschaften gehört. Ich habe keine Ahnung von Preisen, Materialien oder von handwerklichen Fähigkeiten. Meine Arbeiter habe ich nach zwei Kriterien ausgewählt: Erstens: Ich wollte kleine einheimische Firmen unterstützen. Zweitens: Die Offerten mussten in meinem finanziellen Rahmen liegen.

Und jetzt arbeiten meine Maurer, Sanitärinstallateure, Elektriker und Schreiner mit viel Schwung, und ich bin begeistert von ihrem Engagement und ihrer Effizienz. Die zwei Portugiesen, die körperlich am härtesten arbeiten mussten, kamen jeden Morgen um halb acht und gingen wieder am Abend um sechs Uhr. Mittagspause: eine Stunde. Der eine lief kilometerweit mit dem Karren voller Felsbrocken und altem Beton. Der andere spricht perfekt Romanisch und grüsste mich vom ersten Tag an freundlich mit dem Vornamen. Die Handwerker arbeiten auch ausgezeichnet zusammen. Ein Anruf genügt und derjenige, der die nächste Aufgabe übernehmen muss, ist da.

Mein achtjähriger Sohn organisierte einen Ohrenschutz, einen Helm und ein Metermass und verbringt viel Zeit mit den Handwerkern «auf der Arbeit». Er hat alles unter Kontrolle und erzählt mir jeden Abend, was während des Tages gemacht wurde. Ich habe aber noch einen Trumpf in der Hand. Meinen Vater. Ich habe bereits erwähnt, dass ich keine Ahnung vom Bauen habe. Mein Vater hat jedoch fast sein ganzes Leben damit verbracht, Baustellen zu überwachen. Er ist jetzt pensioniert, und für mich ist das ein grosses Glück. Mein Vater hat die Pläne gemacht, mein Vater hat mich beraten, mein Vater hat die Arbeiten geplant und er ist da, wenn die Handwerker Fragen haben. Offiziell bin ich die Bauherrin, aber eigentlich ist mein Vater der Chef meiner Arbeiter.

Als junge Frau, die keine Ahnung von Schaufel und Bohrer hat, würde ich auf meiner kleinen Baustelle wahrscheinlich nicht einmal respektiert werden. Ich könnte mich jetzt darüber aufregen. Schliesslich bin ich diejenige, die zahlt! Aber nein, es gibt einfach Situationen, wo ich nicht gefragt bin, und das ist auch gut so. Punkt. Ich habe daher den Job übernommen, jeden Tag den Kaffee zu bringen und die Fortschritte der Arbeiten zu loben. Vielleicht hat mein Beitrag ja auch einen positiven Effekt.

Im Oktober will ich meinen Umbau fertig haben. Ich freue mich auf mehr Raum, die Kinder freuen sich auf ein eigenes Zimmer. Ich bin auf jeden Fall überzeugt, dass alles so wird, wie wir es uns vorgestellt haben. Mein Maurer meinte: «Es hängt immer davon ab, mit wem und wie man baut.»

Fadrina Hofmann ist Regionalredaktorin bei der «Südostschweiz». Sie lebt mit ihrer Familie in Scuol, momentan auf einer Baustelle.

Mes emprim fabricat – ina pitschna decleranza d’amur

Da Fadrina Hofmann

Jau fabritg. Gea, mia abitaziun daventa per trais stanzas pli gronda. Or da dus tschalers ed ina stanza da musica datti mes nov reginam: stanza da durmir, biro, duscha e tualetta. Tuna da pauc, è però ina chaussa da blers daners e blers dis cun canera e merda. Apaina che jau menziun che jau fabritg vegnan adina puspè las medemas reacziuns: Ui, fa quint cun irregularitads! Ti vegns a vesair, ils mastergnants vegnan e van be cura ch’els vulan. Quai po durar ditg. E tut daventa anc almain diesch pertschient pli char che prevesì.

Oha, hai jau pensà. Quai pudess daventar stentus. Jau stoss conceder che planisar e delegar in fabricat na tutga betg tar mias passiuns. Jau n’hai nagina idea da pretschs, da materials u da capacitads artisanalas. Mes lavurants hai jau tschernì tenor dus criteris: Primo: Jau vuleva sustegnair firmas pitschnas indigenas. Secundo: Las offertas stuevan esser en mes rom finanzial.

Ed ussa lavuran mes miradurs, installaturs sanitars, electricists e scrinaris cun grond schlantsch ed jau sun entusiasmada da lur engaschament e da lur effizienza. Ils dus Portugais che han fatg la lavur corporalmain la pli dira èn arrivads mintga di la bun’ura a las set e mesa ed èn partids la saira a las sis. Pausa da mezdi: in’ura. In dad els ha fatg kilometers cun la charretta emplenida cun crappuns e betun vegl. L’auter discurra perfetgamain rumantsch e m’ha salidà da l’emprim di davent amiaivlamain per mes prenum. Ils mastergnants collavuran era stupent. In telefon basta e quel che sto surpigliar la proxima lavur è qua.

Mes figl dad otg onns ha organisà protegia-ureglias, ina chapellina ed in meter e passenta bler temp «a la lavur» cun ils mastergnants. El ha tut sut controlla e ma raquinta mintga saira tge ch’è vegnì fatg durant il di. Jau hai però anc in trumf enta maun. Mes bab. Jau hai gia menziunà che jau n’hai nagina idea dal fabritgar. Mes bab percunter ha passentà circa sia vita entira cun survegliar fabricats. El è ussa pensiunà e per mai è quai la gronda fortuna. Mes bab ha fatg ils plans, mes bab ha cusseglià mai, mes bab ha fatg il plan da las lavurs ed el è qua, sch’i dat dumondas dals mastergnants. Uffizialmain sun jau la patruna da fabrica, ma atgnamain è mes bab il schef per mes lavurants.

Sco dunna giuvna senza idea da pala e tarader na vegniss jau probablamain gnanc respectada sin mes pitschen plazzal da fabrica. Jau ma pudess uss agitar da quai. La finala sun jau quella che paja! Ma na, i dat simplamain situaziuns, nua che jau na sun betg dumandada e quai è era bun uschia. Punct. Jau hai damai surprendì il job da purtar mintga di café e da ludar ils progress da las lavurs. Forsa che mia contribuziun ha gea er in effect positiv.

L’october vuless jau finir il fabricat. Jau m’allegrel sin dapli spazi, ils uffants s’allegran sin in’atgna stanza. Jau sun en mintga cas persvadida che tut daventa uschia sco quai che nus ans avain imaginà. Mes miradur ha ditg: «I dependa adina cun tgi e co ch’ins fabritga.»

Fadrina Hofmann è redactura regiunala tar la «Südostschweiz». Ella viva cun sia famiglia a Scuol, actualmain en in plazzal da fabrica.