(anr/hh) In studi dil Post per problems d'alcohol e drogas svizzer (SFA) documentescha che giuvenils ed affons minorens en Svizra consumeschan mintg'onn alcohol per rodund 220 milliuns francs.

(anr/vi) Il cussegl naziunal vul dar al pievel il davos pled tar l'iniziativa cunter raffaders (Abzocker). Cun 101 cunter 91 vuschs ha la chombra gronda refusà ier la proposta da la pps da cumbinar l'iniziativa cun la revisiun dal dretg d'aczias.

(anr/fa) Causa pitschnas pajas dal partenari u lètgs divorziadas laschan diversas mammas tgirar lur uffants en canortas durant ch'ellas van a lavurar.

(anr/gns) Ena carriera da betg gist mintga de ò fatg William Kloter da Casti. Siva digl amprendissadi da scrinari ò el frequento la scola da pulizeia, fatg part agl cader per la siertad digl «WEF» a Tavo e tranter oter er sto responsabel per la siertad tar l'Euro 2008 a Turitg.

(anr/gv) In cumbat denter l'Italia e la Svezia empermettan ils organisaturs dil Maraton dall'Engiadina per la 42avla ediziun da dumengia proxima. Fabio Santus ei actualmein alla testa dil classament dallas cuorsas da maraton FIS e per gudignar il classament final sto el sedustar encunter ils Svedes Oskar Svärd ed ils dus frars Mathias e Thomas Fredriksson.

(anr/ac) La secziun da puras dall'Uniun purila sursilvana envida mintga dus onns alla scuntrada generala. Quella ga ein las puras sursilvanas seradunadas la mesjamna passada a Vrin.

(cp) A chaschun da sia ultima sesida ha la cumissiun da gestiun dal cussegl grond (CdG) concludì d'engaschar dr. Christian Huber sco sustegn da la giunta speziala per il cas Reinhardt.