×

Samedan: 18 onns engaschament per la vischnanca

Thomas Nievergelt, il president communal da Samedan, vegn a smetter sia carica sin la fin da quest onn. Suenter bunamain dus decennis a la testa da la vischnanca surdat il notar ed advocat il manaschi en ils mauns dal nov president Jon Fadri Huder.

Südostschweiz
28.12.12 - 01:00 Uhr

Nievergelt che ha lavurà cun in pensum da 50% per la vischnanca da Samedan vul sa concentrar en avegnir puspè dapli sin sia professiun. En il sectur communal na veglia el betg pli s’engaschar, in uffizi cun impurtanza regiunala na saja dentant betg exclusa.

Il servetsch da transport «néz rouge» ha transportà a chasa fin uss il december bunamain 13 080 persunas. Sco quai che «néz rouge» ha communitgà han 4480 manischunzs voluntaris gì da far il pli bler ils 21 ed ils 22 da december. Il punct culminant spetga ils manischunzs dentant la notg da Silvester. Ils manischunzs da «néz rouge» transportan a chasa cun lur agen auto automobilists che han bavì memia bler alcohol, quai durant tut il mais da december. En total han els transportà 6487 persunas ed han uschia fatg 276 755 kilometers. Quai è dapli che l’onn avant.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR