×

Referat da Clotilda Demund

Referat da Clotilda Demund

(vn) Dapi biars onns tarmettan ils Retgs da Trun ina gronda part dil recav a Peru en favur dalla fundaziun Centros Sociales Cristo Obrero Peru. Era persunas privatas ni autras instituziuns sustegnan quella fundaziun cun daners.

Südostschweiz
vor 10 Jahren in

Mo tgi stat cheu davos quella fundaziun e tgei schabegia cun quels daners?Ins astga bein pretender che Clotilda Demund, oriunda da Darvella, seigi el mument la persuna principala da quella fundaziun. Suenter haver luvrau entgins onns sco tgirunza en plirs spitals da nossa tiara eis ella sedecidida igl onn 1980 sin giavisch da sur Pius Camenisch, che sesanflava gia a Peru, da suandar el. A Peru ein ella e sur Pius s'engaschai fetg sil camp social. A Cotahuasi han els fundau igl emprem albergue. Affons che vegnan dalunsch neutier per frequenter la scola secundara san prender albiert leu. Els survegnan da magliar e da beiber, vegnan tgirai en cass da malsogna e lu dat ei aunc pigns cuosts per l'administraziun. Da quels albergues han els aunc fundau enzacons auters. In affon paga rodund 12 francs il meins per star en in albergue. Quei tunschess per treis dis. Il rest vegn pagaus cun daners ord la fundaziun. Giuvnas e giuvens che han terminau la scola secundara san far in emprendissadi. Ei dat differentas purschidas: tgirunza, frisunza, cuschiniera, mecanist, lennari, serrer etc. Quei tut vegn susteniu finanzialmein dalla fundaziun Centros Sociales Cristo Obrero Peru.Ils 13 da fevrer tegn Clotilda Demund in referat sur da siu agir e siu engaschament a Peru. Leu raquenta ella aunc bia dapli. Vus tuttas e Vus tuts essas cordialmein envidai a quei referat.

Kommentieren

Kommentar senden
Mehr zu MEHR
E-Paper
Leckeres zMorga gefällig?
Mit unserem Newsletter «zMorga» kommen die wichtigsten News aus der Region pünktlich zum Frühstück direkt in die Inbox, gratis!
Nicht mehr fragen