×

La reducziun dallas armas militaras ei decisiva

Ei vegn pretendiu savens che la deposiziun dallas armas egl arsenal porti nuot, damai che mo bien 250 000 armas (da apparentamein varga 2 milliuns) seigien pertuccadas da quella mesira.

Südostschweiz
27.01.11 - 01:00 Uhr

Quei seigi strusch 10 pertschien da tut las armas che sesanflien els tenerscasa svizzers, aschia che quella mesira seigi buc in gudogn per la segirtad.Davos quella argumentaziun sezuppa ina reflecziun fallida. Per la violenza a casa ei buc il diember d'armas decisivs, mobein contas persunas che han access a quellas armas. Pertgei per mazzar enzatgi tonscha ina suletta arma e buc in entir arsenal. Sco quei che retschercas fatgas ils davos 20 onns en Svizra documenteschan disponan las biaras casadas mo d'ina suletta arma militara. Quei vala per 60 pertschien dallas famiglias che han a casa in'atgna arma. Cun abolir la deposiziun a casa sereducess il diember da persunas che han access e savessen far abus dall'arma marcantamein. La reducziun massiva dils suicids (cunzun dad umens denter 20 e 50) san ins lu era declarar cun la reducziun dil diember da schuldada che ha era effectuau ina reducziun dil diember da persunas che han access ad armas. Ins sa perquei haver nuot encunter che ina ulteriura reducziun dallas armas militaras effectuass era ina nova reducziun dils mortoris caschunai cun l'arma.

Martin Killias, Turitg

Kommentieren

Kommentar senden
Mehr zu MEHR