Benedicziun dils zenns novs
(anr/gc) Tgi seregorda buca dil schoc enorm ch’igl enguladetsch da 4 zenns, succedius la primavera digl onn vargau, giud ils clutgers dallas capluttas a Campieschas/Rabius, Madernal/ Mustér ed a S.
(anr/gc) Tgi seregorda buca dil schoc enorm ch’igl enguladetsch da 4 zenns, succedius la primavera digl onn vargau, giud ils clutgers dallas capluttas a Campieschas/Rabius, Madernal/ Mustér ed a S.
Gagl /Medel, veva caschunau. Quella «premiera da zanur naziunala» – zatgei aschia veva ei aunc mai dau en Svizra – ha giu occupau buca pauc la Surselva – e lunsch surora. Ins ha denton udiu ton sco nuot pli sur dils rubadurs ed il «destin» dils zenns engulai. Igl ei vegniu quiet e la caussa ida bravamein en emblidonza.
Dalla pleiv da Rabius vegn ussa denton la buna nova ch’ils zenns rubai giud la tuoretta dalla caplutta da s. Michel a Campieschas vegnien remplazzai da novs. Per dumengia proxima, ils 25 da settember, ei la benedicziun dils zenns novs annunziada. Quella succeda tras msgr. avat Daniel Schönbächler. Allas 11.00 ei messa campestra a Campieschas cun la benedicziun dils zenns. Suenter astgan ils affons trer si els. Duront ch’ils zenns vegnan fermai datti in apero tras la pleiv. Ed allas 13.00 vegnan ils zenns novs da Campieschas a tuccar e resunar per l’emprema gada tras vitg e val.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.