×

Aschia havess ei saviu esser

Il tetel imposant digl emprem film romontsch sur dalla secunda uiara mundiala. Ord ina pintga idea, in pign film registrau cun il telefonin ei vegniu in project da bunamein 2 onns. Ussa eis el fatgs il film d'uiara romontsch. Premiera festivescha il film sonda che vegn a Sumvitg en sala da scola. Ils giuvenils ein loschs sin lur product final. Tenor Flavian Bearth da Cumpadials e Fabio Tuor da Sumvitg havessan els mai tertgau ch'il resultad seigi aschi buns. Els hagien empriu ina massa sur dil far film ils davos dus onns ed ein spannegiai sin las reacziuns dil publicum questa fin d'jamna.

In pign schatg, igl aschi numnau trailer dil film, datti cheu: Acta 44 - nus eran frars.