×

Giuventetgna ella Engiadin'Aulta

La depopulaziun ella Engiadin'Aulta ei considerabla. Per analisar quei fenomen daco ch'igl ei aunc oz grev da viver ella Engiadin'Aulta hai fatg in discuors cun Reto Roner. El ei carschius si e viva cun sia famiglia a Samedan. Pia in ver «Samedrin». El enconuscha ils usits engiadines ed ils basegns dalla giuventetgna fetg bein.

Giuventetgna a Samedan

Ins ha sefatg en, che la giuventgna ei semidada en ils davos onns. Sco Reto di, era ei pli baul pli impurtont da tgirar ils contacts sozials directamein. Oz ha ei cugl Internet e cun il telefonin schon dau pli gronds midaments. La giuventetgna ei denton aunc adina intacta, ed il viver ensemen funczionescha tuttina sco avon vegn onns.

Reto ei perschuadius ch'ei ha dau, e vegn a dar vinavon imigraziuns dils giuvens. Quei muort l'economia ed era las pussaivladads da scolaziuns sin scalem da scola aulta ni d'universitad. Igl ei era grev d'anflar ina plazza d'emprendissadi el contuorn.