×

Sirius publichescha finamiras

Sirius, num civil Djego Deflorin ei carschius si a Laax e ha schon entschiet en fetg baul cun la musica en direcziun hip hop. Suenter publicar siu mixtape «Sperasvi» ha el priu aunc inagada schlontsch e presenta ils 27. avrel 2018 siu niev album  „Finamiras“. Cun tredisch canzuns ch'ein cumponidas el stil da«Old-school HipHop» presenta Sirius siu album cun hosps sco Giganto, Orange, Marcus Aurelius, Mattiu Defuns e Fiona Cavegn.

Las remas profundas e diras da Sirius reflecteschan la persuna. Sin il niev album ha "el fatg tgei che el ha vuliu" sco Sirius ha raquintau. Perquei datti era grondas differenzas denter il mixtape ed igl album Finamiras.

Jeu level bu munchentar quella pusseivladad, e sundel ius a visitar Sirius, in di avon il release da siu niev affon. Tgi che statt davos il num Sirius e sco el ha cumponiu sias canzuns, saveis vus tedlar sut audio.