Astrid Alexandre – niev album «Umbrivas»

In album fin, ferms e multifars. Quei ei la nova carta da viseta dalla cantadura da Cuera Astrid Alexandre. Igl album ei pli madirs e quei ei era la cantadura ch’ei carschida si a Surcasti. Avon quater onns ha Astrid ediu siu emprem album e dapi lu adina puspei luvrau vid da differents projects musicals. Fatg stortas en’autras direcziuns da musica e semplamein experimentau. Ella Saira Rumantscha raquenta ella da sia aventura digl album «Umbrivas».

Veser Astrid Alexandre en in da ses videos vesan ins bu. «Gl’interess dat in video ei per mei mo sche quei dat enzatgei niev ordlunder. Sche quei ei sco la canzun che crescha e sesvilupescha vinavon.» di Astrid Alexandre.  In da ses videos dil niev album datti da veser cheu.