Saira Rumantscha el mund digital

Il mund semida cun ina spertadad extrema. Ed il internet ha fatg vegnir il mund pli sperts e pli pigns. El onn 2003 ha il tribunal federal perfin declarau il internet sco in product da basa per viver. En la reit digital che nus enconuschin, anflein nus bu mo informativas caussas mobein era in mund obscur e plein prighels. Per schurmiar la populaziun dils prighels che existan ella reit ha la polizia cantunala baghegiau si il survetsch «cybercrime» La criminalitad crescha mintgadi ella reit e per cumbatter quels prighels ei Beat Huonder e siu team a nossa disposiziun.

Cugliunaria e phishing

Sco signur Huonder declara a Radio Südostschweiz, enconuscha il consumet 1/3 dalla entira reit digitala. Tschella vart enconuscha mo pauca glieud. Il pli grond prighel el Grischun ei la cugliunaria sin las paginas sozialas. Era il «phishing» ei fetg actuals. «Ins sto esser alerts sin mails cun derivonza suspecta». Signur Huonder recumonda als partucai d’anunziar quels cass alla polizia sut 117 ni directamein sil post da polizia.