Final destination

Vor Kurzem durfte ich endlich wieder einmal vor einer Klasse stehen und Literatur unterrichten. Danach traf ich mich noch mit meiner Mutter.

«Weisst du, ich unterrichte einfach schon verdammt gerne», sagte ich zu ihr. «Du kommst ja auch aus einer Lehrerfamilie. Ach, was sage ich? Aus einer ganzen Lehrerdynastie!», antwortete sie und begann aufzuzählen: «Meinerseits war der Onkel deines Grossvaters Lehrer, zwei Brüder deines Grossvaters, der Grossvater und die Grossmutter auf Seiten deines Vaters, dein Onkel …» Die Aufzählung fand schliesslich ein Ende mit: «… und dann ist da auch noch der Onkel meines Cousins zweiten Grades auf Seiten meiner Mutter, der war sogar Lehrer irgendwo im Ausland.»

Schon witzig. Meiner Meinung nach ist das mit den Lehrern ja ein bisschen wie mit dem Krebs: Es kommt in den besten Familien vor.

Es ist allerdings nicht so, dass ich schon immer Lehrerin werden wollte. Wie bei jedem anständigen Germanistik- oder Geschichtsstudenten war das auch bei mir einfach Plan B. Plan A war natürlich der Journalismus, am liebsten beim «Tagimagi» oder für ein Kulturmagazin. Ein Praktikum und ein paar Jahre als Regionaljournalistin im Glarnerland und gefühlte 200 Reportagen über die Zigerproduktion, Elmer Citro und Vreni Schneider haben mir den Berufswunsch allerdings ausgetrieben.

Nicht, dass mir das Schreiben nicht gefallen hätte. Das fand ich toll. Allerdings wurde mir irgendwann klar, dass ich vielleicht nicht die richtige Einstellung für den Journalismus mitbringe. Ich gehe den Leuten einfach nicht gern genug auf die Nerven. (Mir ist bewusst, dass diese Aussage einige Widerworte auslösen wird, deswegen Beschwerden bitte an: glarus@suedostschweiz.ch.) Wahrscheinlich sind viele der Meinung, dass man auch als Lehrer den Leuten gerne auf die Nerven gehen muss – ich kenne selbst einige dieser Exemplare – aber ich lehne mich jetzt aus dem Fenster und behaupte, dass das eigentlich nicht zur Hauptaufgabe eines Lehrers oder einer Lehrerin gehört.

Ich kann also nicht mit Sicherheit behaupten, dass das Unterrichten meine berufliche Destination ist. Wahrscheinlich bin ich dafür auch noch zu jung und habe zu wenig Unterrichtserfahrung. Und das dicke Ende kommt wohl auch erst noch: Schülerinnen und Schüler, die gerne Lehrer plagen oder, noch schlimmer, völlig demotiviert und passiv sind, oder die Problemfälle, mit denen man als Klassenlehrerin zu tun hat: ADHS, Depressionen, Teenagerschwangerschaften oder Anorexie.

Da mein körperliches Alter langsam mein geistiges erreicht, weiss ich nun natürlich auch, dass man die Erfüllung nicht unbedingt in seinem Beruf finden muss. Es gibt ja auch Leute, die diese in einem Hobby finden, im gesellschaftlichen Leben oder im Elternsein – «final destination» für viele. Und bis ich mein Doktorat beendet habe und regelmässig unterrichten kann, bin ich dann leider wahrscheinlich auch nicht mehr die coole, junge Lehrerin, sondern die Besserwisserlehrerin mit dem unnützen Doktortitel. Es kann also gut sein, dass sich meine Destination nochmal auf Plan C verschiebt: Vielleicht werde ich dann Präsidentin der Lia Rumantscha, Zuckerbäckerin, Hirtin oder Privatier. Oder ich bleibe einfach Kolumnistin der «Convivenza».

Viola Pfeiffer hat Germanistik, Geschichte und Rätoromanisch an der Universität Zürich studiert. Manchmal arbeitet sie an ihrer Dissertation und manchmal als Lehrerin, aber fast immer schreibt sie.

Final destination

Da curt hai jau puspè ina giada dastgà star davant ina classa e dar ina lecziun da litteratura. Il punct culminant da quest di formidabel è lura stà ina visita tar mia mamma.

«Sas, jau dun schon stoda gugent scola», hai jau ditg ad ella. «Ti vegns gea er ord ina famiglia da scolasts. Ah tge di jau, ord in’entira dinastia da scolasts!», ha ella respundì e cumenzà a dumbrar si: «Da mia vart è l’aug da tes tat stà scolast, e lura dus frars da tes tat, il tat e la tatta da la vart da bab, tes aug …» L’enumeraziun ha chattà ina fin cun: «… e la finala datti anc l’aug da mes savrin da vart da mia mamma. Lez era perfin scolast a l’exteriur.»

Schon legher. Tenor mai è quai cun ils scolasts gea in pau sco cun il cancer. Quai vegn avant en las meglras famiglias.

Ma i n’è betg uschia che jau hai adina vesì la clamada da scolasta sco mia destinaziun. Sco tar mintga dretg student da germanistica u d’istorgia era quai era tar mai simplamain plan B. Plan A era natiralmain da daventar schurnalista, il meglier per il «Tagimagi» u per in magazin da cultura. In praticum ed intgins onns sco schurnalista regiunala en la Glaruna ed almain 200 reportaschas sur da la producziun da tschigrun verd, Elmer Citro e Vreni Schneider han dentant fatg ir las quaidas da lavurar en il schurnalissem.

Betg ch’il scriver na m’avess betg plaschì. Gliez era super, dentant hai jau percurschì che jau n’hai forsa betg la dretga tenuta per ina schurnalista. Jau na vom simplamain betg gugent avunda sin la gnerva a la glieud. (Jau sai ch’i dat uss ina massa reclamaziuns ch’èn p.pl. da drizzar a glarus@suedostschweiz.ch.) Forsa èn era blers da l’opiniun ch’ins stoppia era sco scolast ir gugent sin la gnerva a la glieud – jau enconusch mezza plirs da quests exemplars – dentant ristg jau ussa da pretender che quai na tutga betg exnum tar las incumbensas principalas d’in scolast u d’ina scolasta.

Jau na poss pia betg pretender ch’il dar scola saja adina stà mes siemi da clamada u mia destinaziun professiunala. Probablamain sun jau er anc memia giuvna per pretender quai, ed hai er anc memia pauca experientscha da dar scola. Las situaziuns difficilas vegnan probablamain pir pli tard: scolars e scolaras che han plaschair da vilentar scolasts sin il piter pir u anc mender, da quels ch’èn totalmain nuninteressads u passivs, u sch’ins ha sco scolasta da classa cas dad ADHS e depressiuns u scolaras en speranza u cun anorexia.

Ma ussa che mia vegliadetgna corporala cuntanscha plaunsieu mia vegliadetgna spiertala, ma percorsch jau natiralmain era ch’ins na sto betg necessariamain chattar la satisfacziun da vita en sia professiun. I dat era glieud che chatta lezza en in hobi, en la vita sociala u en il daventar geniturs. Gist gliez munta per blers «final destination». E fin che jau hai terminà mes doctorat e poss dar scola regularmain, na sun jau probablamain era betg pli la coola scolasta giuvna, mabain eba la scolasta scortatscha cun il titel da docter totalmain inutil. I po pia esser che mia destinaziun sa mida lura anc ina giada a plan C: Tgi sa, forsa presidenta da la Lia Rumantscha, forsa pastiziera, pastura u privatiera. Ed uschiglio rest jau simplamain columnista da la «Convivenza».

Viola Pfeiffer ha studegià germanistica, istorgia e rumantsch a l’Universitad da Turitg. Mintgatant lavura ella vi da sia dissertaziun e mintgatant sco scolasta, ma bunamain adina scriva ella.