Adventsstress

Von Bettina Cadotsch

Strassen und Märkte sind mit Lichterketten dekoriert, die Häuser sind mit wunderschönen Sternen geschmückt, und alles sieht friedvoll aus. Die Leute schlendern durch die Gassen, trinken Glühwein und freuen sich bereits auf die Feiertage.

Wer jedoch genauer hinschaut, sieht, dass die Leute überhaupt nicht gemütlich durch die Gassen schlendern; sie sind in Gedanken versunken, was bis zum 24. Dezember noch alles erledigt werden muss.

Die Festtage stehen nämlich praktisch vor der Tür, und der Stapel mit Sachen, die bis dahin noch erledigt werden müssen, ist riesig. Genau deshalb ist die Adventszeit wieder einmal nicht so, wie wir es uns vorgenommen hatten. Wir wollten ja bereits im Oktober alle Geschenke besorgen, wollten alle Arbeiten gut einteilen und die Adventszeit einfach mal geniessen; Weihnachtsfilme wie zum Beispiel «Aschenbrödel» schauen, an den Weihnachtsmärkten viel Glühwein trinken und beizeiten Guetzli backen. Und jetzt – spüren wir wieder einmal nur wenig von der Magie der Adventszeit und sind vielmehr angespannt.

Das Traurige am ganzen Dilemma ist, dass wir den gleichen Fehler jedes Jahr von Neuem begehen. Immer nehmen wir uns vor, es nächstes Jahr besser zu machen, und nie klappt es. Das ist so, weil wir nicht früh genug realisieren, was wir noch alles erledigen müssen. Natürlich gibt es unter uns auch die Perfektionisten, die alles unter Kontrolle haben. Die, die alle Geschenke bereits im Sommer gekauft, eingepackt und vor ihren Kindern versteckt haben. Die, die bereits Guetzli gebacken haben und schon seit Langem wissen, was es an Weihnachten zu essen gibt. Wir – und damit meine ich die grosse Mehrheit –, wir haben zu dieser Zeit den grössten Stress, obwohl genau das Gegenteil der Fall sein sollte.

Der Adventsstress existiert vor allem deshalb, weil zum einen alles bis zum 24. Dezember erledigt werden muss und zum anderen die Festtage organisiert werden wollen. Die Kinder, Studenten und Lehrlinge müssen lernen und die letzten Prüfungen schreiben. Die Erwachsenen müssen Projekte und Arbeiten abschliessen, an Geschäftsessen gehen und schauen, wann welche Verwandten besucht werden können. Und am anstrengendsten ist diese Zeit für die Mütter unter uns. Sie haben schlaflose Nächte, weil sie für die ganze Familie Geschenke finden müssen, Guetzli backen und sonst noch Tausend Sachen erledigen müssen, die Mütter so zu tun haben.

Darum kann man sagen, dass eine besinnliche Adventszeit im 21. Jahrhundert zu einem Luxusgut geworden ist, das wir uns nicht mehr leisten können. Früher wird es einfacher gewesen sein, aber heutzutage werden einfach gute Leistungen gefordert, und das, bis die Luft ganz raus ist. Im Dezember ist das nicht ganz so einfach, da es kalt und draussen fast immer dunkel ist und viele am liebsten den ganzen Tag im Bett bleiben würden. Die Energie, das Vitamin D der Sonne und die Motivation fehlen.

Interessant ist jedoch: Wenn der 24. Dezember da ist, sind trotzdem alle mit ihren Sachen fertig geworden. Die Arbeiten sind abgeschlossen, die Geschenke gekauft und der Weihnachtsbaum organisiert. Der eine oder andere fragt sich wohl, wie alles noch klappen konnte, aber es hat geklappt und das ist die Hauptsache. Nach einigen Tagen ist der ganze Adventsspuk dann wieder vorbei und scheint bereits weit weg. Wollen wir aber wetten, in einem knappen Jahr sagen wir alle wieder: «Um Himmels willen, in ein paar Wochen ist bereits wieder Weihnachten und ich habe noch so vieles zu erledigen!»

Bettina Cadotsch ist in Savognin aufgewachsen. Sie studiert Multimedia Production an der HTW in Chur und arbeitet bei Radio Südostschweiz.

Stress durant il temp d’advent

Da Bettina Cadotsch

Las vias ed ils martgads èn decorads cun chadainas da glischs, tut las chasas han bellezza stailas e tut vesa ora patgific. La glieud palandra per las giassas, baiva vin chaud e sa legra gia sin las festas da Nadal.

Tgi che guarda però pli exact vesa che la glieud na palandra insumma betg patgific per las giassas, ella è profundada en patratgs tge ch’è anc tut da far e liquidar fin ils 24 da december.

Las festas da Nadal stattan numnadamain quasi davant porta ed il mantun cun chaussas ch’èn anc da liquidar fin là è immens grond. Gist perquai è il temp d’advent puspè ina giada betg uschia, sco quai che nus avevan quintà. Nus vulevan bain gia ir l’october per tut ils regals, vulevan reparter tut las lavurs e simplamain ina giada giudair il temp d’advent. Quai cun guardar films da Nadal sco «Tschenderletga», baiver ina massa vin chaud sin martgads e far ad uras ils biscuits da Nadal. Ed ussa – sentin nus puspè ina giada mo pauc da la magia dal temp d’advent ed essan plitost malcuntents.

Il trist vi da quest entir dilemma è che nus faschain mintg’onn il medem sbagl. Adina prendain nus avant da far meglier tut l’auter onn e mai na funcziuni, perquai che nus na realisain betg baud avunda tge che nus avain anc tut da far. Sa chapescha datti er ils perfecziunists che han tut sut controlla. Quai èn quels che han gia cumprà la stad ils regals e pachetà en e zuppà els dals uffants. Quels che han gia fatg biscuits da Nadal per tuts e san gia daditg tge ch’i dat tschaina da Nadal. Nus però – e cun quai manegel jau la gronda maioritad – nus avain il pli grond stress exact durant quel temp che nus n’avessan atgnamain d’avair il pli pauc.

Il stress durant il temp d’advent datti surtut, perquai ch’igl è per l’ina da finir tut avant ils 24 da december e per l’autra dad organisar las Festas. Ils uffants, students ed emprendists ston emprender e scriver las ultimas clausuras. Ils creschids ston finir projects e lavurs, ston ir a tschainas da fatschenta e guardar, cura ch’ins pudess visitar tge parents. Ed il pli strapatschant è quest temp per las mammas. Lezzas han notgs senza sien, perquai ch’ellas han da chattar regals per l’entira famiglia, han da far biscuits ed uschiglio anc milli chaussas che mammas han da far.

Perquai pon ins dir che avair in temp quiet durant l’advent para dad esser il 21avel tschientaner in luxus che nus n’ans pudain betg pli prestar. Pli baud vegn quai ad esser stà pli lev, ma ozendi vegni simplamain pretendì bunas prestaziuns, fin che l’aria è propi ora dal tut. Ed il december n’è quai betg propi simpel, cunquai ch’igl è fraid e bunamain adina stgir ordadora e blers stessan il pli gugent l’entir di en letg. L’energia manca, il vitamin D dal sulegl manca e la motivaziun manca.

Interessant è però: ils 24 da december èn tuttina tuts vegnids da finir lur chaussas. Las lavurs èn cumplettadas, ils regals èn cumprads ed il pignol da Nadal è organisà. L’in u l’auter sa dumonda bain co che tut ha anc pudì funcziunar, ma igl ha funcziunà e quai è l’impurtant. Suenter insaquants dis è lura l’entir barlot dal temp d’advent gia passà e para dad esser fitg lunsch davent. Vulain però scumetter, en strusch in onn schain nus tuts puspè: «Jessas, en in pèr emnas èsi gia puspè Nadal ed jau hai anc da far uschè bler!»

Bettina Cadotsch è creschida si a Savognin. Ella studegia Multimedia Production a la Scola auta da tecnica e d’economia a Cuira e lavura tar Radio Südostschweiz.