«Gits als Hauptpriis jetzt e Daggel» - eine Handvoll Schnitzelbänke

Die Pandemie ist vergessen, die Basler Fasnacht kann ungeschoren stattfinden und auch die Schnitzelbänkler widmen sich wieder anderen Themen, etwa dem Eidgenössischen Schwing- und Älplerfest (Esaf) in Pratteln, das viele Menschen anzulocken vermochte, aber auch viel Defizit hinterliess:

* D Schwinger hän e Läbenskrise s goot um ihri Läbendpriise Wägem Pratteler Debaggel gits als Hauptpriis jetzt e Daggel (Familie M. Steiner) * Letschte Summer wär y fascht uff d Tiigermugge droffe Die jagd mi, doch si schwanggt e bitz, y glaub das Vyych isch bsoffe. Vo wellre Pfitze die grad stammt, han y schnäll begriffe. Dasch s Loos, wenns nit gnue WC het am Schwingfescht zem go schiffe. (Frau Länzi) * In Prattele liige d Närve blangg es syg nit nur dr Muni Magnus grangg Noo em Zämmezelle kunnt me druff d Rächnig vom Esaf goht nit uff. Joo dr Finanzschef, dä hett sich gwehrt, heig bimene Queerystyger rächne gleert. (S spritzig Ryysbley) * Dufourspitze, Matterhorn, dr Dom, dr Piz Corvatsch Verfülle sich vor Scham in Wulgge und dr Morteratsch rieft em Mönch und Eiger zue: Mir sinn doch numme Zwärg vergliche mit em Baselbieter ESAF-Schuldebärg. (Drey-Daags-Fliege) *

Viel Energie steckten die Schnitzelbänkler auch in die alarmierende (oder doch nicht so akute) Strommangellage:

* Dr Blackout macht mir Sorge, ooni Strom wäär nämmlig Schluss! Kai Netflix me, kai Sky, ojee, und au kai Disney plus. Drum schwätz i jetzt mit minere Frau, will vorbereitet syy. Und meerg denn graad so nääbeby, s schiint ganz e nätti z syy. (D Schlyychwäärbig) * Wäg däm Grieg kasch dir hitt d Energyy fascht nimmi laischte, Benzin und Gas schleen duurend uff, bim Strim spyyrschs am maischte, Losch s Auti stoo, stellsch d Haizig zrugg, s drybt di fascht in Ruin, Doch noch wie vor für zwanzig Stutz fliegsch «easy» nach Berlin. (PereFyss) *

Und wenn eine Not droht, ist der Notvorrat nicht weit:

* Spaghetti, Nuudle, Büggsezüggs - so vyyl, wie snumme goht Und Wasser, Dörrobscht, Bohne - das ghöört au in Notvorroot. Nit alles ka me glych guet bruuche: Mir verzichte ganz: Uf Röschti und uf Cassis - jo die hänn halt kai Subschtanz. (Schnaabenwetzer) *

Ja das mit dem Bundesratssitz ist in Basel mit der überraschenden Nichtwahl der Kandidatin Eva Herzog so eine Sache und damit natürlich auch Schnitzelbank-Thema:

* D Eva Herzog stammt us Prattele. Gäll jetzt syt dr froh! Näi diir häit nit verloore, die isch jo gar nit vo doo. Schaad häit dir nit um Hilf gfroggt, jä dasch jetzt würklichdumm. Eva, s nöggscht Mol machs bi mir e Schwarznaasepraktikum. (Heiri) * Dr Jositsch isch halt so gebore, är hett e bitzeli grossi Ohre. Jetzt hänn s em aber iber Nacht, au no e langi Nase gmacht. (Anggewegglimaitli) * Im Joor 3050, wär waiss, was denn so goht. Vilicht isch s Klima grettet, vilicht sinn mr alli doot Wär wäiss ob denne s Spaaledoor, ob s Münschter denn no stoot, Nur sicher isch denn immer no käi Baasler Bundesroot. (Spootschicht Rhygass) *

Auch der zurückgetretene Ueli Maurer und Alain Berset bekommen ihr Fett weg:

* Die ghaime Aggte sinn bim Trump in Mar-a-Lago Sogar bim Biden muess me jetzt das Thema aagoo. Jetzt kunnt dr Ghaimdienscht au bim Maurer Ueli z Bsuech Und findet prompt zwai Tryychle und ai Globi Buech. (Die Penetrante) * Im Cockpit vom Herr Berset schallts: Vous voulez voler où? Göön si widr zu iirem Gspuusi für en amour fou? Näi, ych bis, säit dr Cassis und jetz bitte käi Kritik, Dasch nur dr dääglig Blindflug dur d‘ Europapolitik. (Spootschicht Rhygass) *

Fast alle Schnitzelbank-Gruppen haben Verse über die Fussball-WM in Katar und den Fifa-Präsidenten Gianni Infantino gedrechselt.

* Dr Infantino, larifaari, säit: „Yych behindret, schwuul, Kataari!“ Am näggschte Daag isch er denn, zagg, wiider e korubbte Sagg. (Spitzbueb) * Dr Infantino findet Gritigg absolut nid cool. Drum isch är vor em Mikrophon für zää Sekunde schwuul. Bi däm isch nid nur s Malz verloore sondern au dr Hopfe, Dasch nid schwuul wenn si dir dr Bulver hinde-n-y yne stopfe. (Drey-Daages-Fliege) *

Und zum Schluss hier noch ein weiser Kommentar zum Bevölkerungswachstum:

* Klimawandel, Krieg und Kataschtroofe wo verheere. Dr Menschhait blybt nur wenig Fraid - usser sich z vermeere 8 Milliarde simmer scho, und es macht dr Schyyn, Alli acht Milliarde wänn an Pfingschte ins Tessin. (Drey-Daages-Fliege) *