Zernez voul viver d’energia netta

Quist proget es intant unic in Svizra ed es tenor las explicaziuns dal president cumünal da Zernez, Renè Hohenegger, interessant fin dalöntsch sur ils cunfins dal cumün oura. Intant cha la populaziun indigena ha bod ün zich l’impreschiun chi nu gnia fat bler in connex cul proget manzunà vegna lavurà davo las culissas da vaglia. Prosmamaing dess ün’exposiziun muossar ad indigens e giasts co chi’s po sanar e fabrichar stabilimaints per cha quels vegnan s-chodats cun energia netta.