Zernez e Scuol in tschercha da president cumünal
La fin dal mais avuost decida il suveran dals cumüns da Scuol sco eir quel da Zernez a reguard la tscherna da lur president cumünal. Quella decisiun sarà captivanta.
La fin dal mais avuost decida il suveran dals cumüns da Scuol sco eir quel da Zernez a reguard la tscherna da lur president cumünal. Quella decisiun sarà captivanta.
Na amo tuot las candidaturas sun sgüras
da Martina Fontana / anr
I dà daplü candidats sco plazzas d’occupar. Intant sun entradas trais candidaturas ufficialas per la carica sco capo da Scuol e president cumünal da Zernez. L’eivna passada s’esa gnü a savair cha Christian Fanzun, president cumünal da Tarasp, candidescha sco nouv president da Scuol. In mardi saira ha il Parti burgais-democratic da l’Engiadina Bassa-Val Müstair nominà ufficialmaing seis candidats: Flurin Filli dad Ardez dess dvantar capo da Scuol ed Emil Müller da Susch president cumünal da Zernez. René Hohenegger, president cumünal da Zernez in uffizi, nun ha amo decis sch’el candidescha per la nouva sfida o brich. Neir Linard Martinelli, il president cumünal da Lavin, nun ha intant amo dat cuntschaint sch’el candidescha sco president dal cumün fusiunà da Zernez.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.