×

Ulteriur pass vers la fusiun

(anr/fa) La gruppa da proget pella fusiun dals ses cumüns da Guarda fin Sent ha üna vainchina da commembers. Daspö l’ultim arrandschamaint public d’utuon a Ftan es quista gruppa statta activa.

Südostschweiz
24.12.13 - 01:00 Uhr

Da la gruppa da proget fan part tant ils capos sco eir rapreschantants dals ses cumüns da Sent, Scuol, Tarasp, Ftan, Ardez e Guarda chi lessan fusiunar e fuormar ün cumün cun s-chars 5000 abitants. Insembel cun lur cusgliaders externs Tino Zanetti e Marcel Franziscus e cun Max Poltera da l’Uffizi da cumüns chantunal han els publichà in october ün prüm sböz dal rapport in chosa fusiun dals cumüns. Intant s’ha la gruppa chattada amo cun differentas gruppas d’interess, p. ex. da la scoula, l’agricultura e’l turissem. Ils impuls ch’els han survgni in occasiun da quistas sezzüdas ed eir a chaschun da las discussiuns publicas ha la gruppa da proget provà dad integrar in lur propostas. Quellas ha la gruppa publichà in lündeschdi saira süllas paginas d’internet dals ses cumüns. Tanter oter propuona la gruppa da proget da concentrar l’administraziun forestala a Sent.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR