Treis sfidas
Dils 25 da fenadur tochen ils 10 d’uost presenta l’Opera Viva nov ga l’opera «Der Freischütz» da Carl Maria von Weber. Igl ei l’emprema opera d’in cumponist tudestg dada el rom dall’Opera Viva a Sursaissa.
Dils 25 da fenadur tochen ils 10 d’uost presenta l’Opera Viva nov ga l’opera «Der Freischütz» da Carl Maria von Weber. Igl ei l’emprema opera d’in cumponist tudestg dada el rom dall’Opera Viva a Sursaissa.
Las emprovas dall’opera «Der Freischütz» han entschiet
Da Giusep Venzin / ANR
L’organisaziun dil project calculaus cun 1,2 milliuns cumpeglia treis sfidas. Quei ha il cusseglier naziunal Martin Candinas constatau ier. El presidiescha l’uniun che procura mintga dus onns per in dils impurtonts eveniments culturals el cantun Grischun. L’emprema sfida ei la realisaziun artistica. Cun Gion Gieri Tuor sco directur artistic ed in orchester professiunal ei il fundament daus. Ils cantadurs indigens dil Chor Opera Viva e plirs solists da muntada internaziunala ein ulteriuras ingedienzas ed il reschissur Nikolaus Büchel dil Principadi dil Liechtenstein mischeida quellas ingredienzas. Las autras sfidas ei la tscherca da daners per finanziar il project ed emplenir nov ga la tenda cun 620 plazs. La mesadad dils 1,2 milliuns derivan da sponsurs, 190 000 francs dil cantun e dalla vischnaunca da Sursaissa. Per emplenir la tenda han ils organisaturs clamau a Cuera tier ina conferenza da medias ed han informau dalla prevendita. Gleiti la mesadad dils bigliets ei vendida. Sco igl ei semussau il 2012 ei ina tenda cun plaz per melli persunas memia gronda. «Il potenzial d’aspectaturs ei buca pli gronds», ha Martin Candinas constatau.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.