Tot la cultura profitescha

(anr/gns) L’emda passada ò igl parlamaint cantunal decidia da sustigneir pi ferm las instituziuns culturalas. Tar egna da chellas totga er igl Origen Festival Cultural. Per Giovanni Netzer, igl iniziant digl pi grond festival da cultura digl Grischun, è chel sustign supplementar en gudogn per tot la cultura da noss cantun. El dei tgi dovra betg angal las instituziuns culturalas professiunalas, mabagn er la cultura populara. Chella seia la basa per la cultura da qualitad pi ota. La cultura an noss cantun vegia fatg igls davos onns en grond svilup.