Tensiun el cumin dalla Foppa
Gronda tensiun tier las elecziuns dil cussegl grond en treis meins datti el cumin da Glion. Ferton ch’ei dat ella Cadi, en Lumnezia ed el cumin da Rueun sper ils candidats dalla pcd negins auters candidats cun schanzas realas ei quei empau auter ella Foppa.
Gronda tensiun tier las elecziuns dil cussegl grond en treis meins datti el cumin da Glion. Ferton ch’ei dat ella Cadi, en Lumnezia ed el cumin da Rueun sper ils candidats dalla pcd negins auters candidats cun schanzas realas ei quei empau auter ella Foppa.
En treis meins ein las elecziuns dil cussegl grond
Da Giusep Venzin / ANR
La Partida burgheis-democratica ha nominau dacuort Franco Hübner da Glion sco emprem candidat per las elecziuns dils 18 da matg. Negin sto Renatus Casutt da Falera dumandar per candidar. Igl anteriur president communal da Falera ha candidau il 2006 ed il 2010 senza partida ed ha reussiu ed el candidescha per ina tiarza perioda d’uffeci. Ils cristiandemocrats fan il mardis proxim ina zavrada. Duas dunnas e tschun umens muossan pli u meins interess da candidar. Empau meins interess ch’ils auters ha Vitus Dermont da Laax. Dapi 14 onns eis el deputau e conceda ch’el calass bugen. El ei denton ina ferma petga dalla partida. Ina autra ferma petga ei Aurelio Casanova. Biars vesessen bugen igl emprem president dalla vischnaunca Ilanz/Glion el cussegl grond e strusch in dubeta ch’el vegni eligius. La partida cun Roman Cantieni sco president sedamonda sch’ella duei tarmetter treis ni quater candidats el cumbat electoral. La schanza da reussir cun duas candidatas e dus candidats ein pli grondas ch’enzacu.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.