Surselva ei aunc meins pertuccada
La branscha da baghegiar principala el cantun Grischun senta las consequenzas dall’iniziativa davart las secundas habitaziuns. En Surselva ei la situaziun aunc buc alarmonta.
La branscha da baghegiar principala el cantun Grischun senta las consequenzas dall’iniziativa davart las secundas habitaziuns. En Surselva ei la situaziun aunc buc alarmonta.
Sis pertschien dameins luvrers ella branscha da baghegiar el Grischun
Da Hans Huonder / anr
«Igl onn vargau havein nus giu bia lavur. En special ei aunc vegniu construiu in tschuppel habitaziuns secundaras. Leutier ein vegnidas entginas grondas lavurs dil cantun sil sectur dalla construcziun bassa», di Daniel Blumenthal, president dall’Uniun dils impressaris dalla Surselva. Ils proxims onns quenta el denton era en Surselva cun ina reducziun da collaboraturs. Gia semanifestada ei ina reducziun da luvrers dalla branscha da baghegiar en autras regiuns dil Grischun. Tenor la statistica menada dall’Uniun dils impressaris dil Grischun han las interpresas engaschau igl onn vargau sis pertschien dameins luvrers. Plinavon ei stau da constatar ina tendenza d’engaschament da luvrers temporars e cun permissiun da dimora cuorta. Tonaton ei il volumen da lavurs staus sin in bien nivel el cantun Grischun. Tut en tut ei vegniu baghegiau per rodund 920 milliuns francs. Malgrad quei ei il sectur da baghegiar denton staus per rodund otg pertschien sut igl onn da record 2011. Las reservas d’incaricas per l’entschatta digl onn 2014 ein bunas. Cun biebein 250 milliuns francs ein ellas per 2,1 pertschien sur las reservas dil medem temps digl onn vargau.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.