×

«Surrein ei il liug ideal per far vacanzas»

Dapi ch’ils affons van buca pli a scola a Surrein ei la casa da scola quasi dil tuttafatg vita. Ina cumissiun ha survegniu l’incumbensa dalla vischnaunca d’anflar soluziuns pil diever da quei baghetg da pulita dimensiun.

Südostschweiz
13.01.14 - 01:00 Uhr

La scola da Surrein duei vegnir transformada en ina dimora specialisada

Da Susi Rothmund / ANR

Quella ha presentau il concept cun l’idea da transformar la scola en ina dimora per hosps da vacanzas cul num «Casa Ventira». «Cun nies concept per ina dimora cun purschida da nischa a Surrein havein nus sviluppau in project che possibilitescha all’entira vischnaunca novas schanzas», ha Retus Giger, in dils commembers dalla «cumissiun casa da scola Surrein», declarau all’anr. Po l’idea vegnir realisada, duei la dimora – ch’ei precalculada cun cuosts da construcziun da rodund dus tochen treis milliuns francs – attrer ver 60– 80 hosps ella «Casa Ventira» a Surrein. La cumissiun ha era gia presentau ina pulit clara strategia da menaschi per che la nova dimora daventi ina casa da vacanzas beinoccupada e buc ina purschida cun in tschuat letgs freids. Gronda peisa duei perquei vegnir mess silla cuschina specialisada per allergichers, diabetichers ed autras persunas cun basegns specials. Damai che Surrein schai en in plaun fuss ei era in liug ideal da far vacanzas per persunas cun impediments. La dimora fuss era ina finamira zun adattada per sportists e passants, damai che la loipa e la via da velos meinan gest sper la scola vi.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR