Success eir pella seguonda «Eivna da l’aua»
(anr/mfo) Pella seguonda jada es in sonda ida a fin a Scuol ün’eivna dedichada a l’aua. Quista’Eivna da l’aua es gnüda organisada da la destinaziun turistica da l’Engiadina Bassa, Scuol, Samignun e Val Müstair, la TESSVM e da l’ambaschadur d’aua Ernst Bromeis.
(anr/mfo) Pella seguonda jada es in sonda ida a fin a Scuol ün’eivna dedichada a l’aua. Quista’Eivna da l’aua es gnüda organisada da la destinaziun turistica da l’Engiadina Bassa, Scuol, Samignun e Val Müstair, la TESSVM e da l’ambaschadur d’aua Ernst Bromeis.
Dürant la seguond’Eivna da l’aua chi ha cumanzà in dumengia, ils 16 marz, haja dat numerusas occurrenzas ed arrandschamaints, discussiuns, ün cult divin, ün concert e plüssas preschantaziuns da films. Ün dals puncts culminants da l’eivna es stat il referat da l’astronaut svizzer, Claude Nicollier. Als 22 da marz, a chaschun dal Di da l’aua internaziunal proclamà da l’ONU ha el fascinà cun bleras fotografias fattas our da la nav spaziala in sala cumünala a Scuol ad ün vast public. In seguit ha gnü lö üna discussiun tanter el ed Ernst Bromeis. In quella ha l’astronaut dat resposta a la dumonda: «Daja üna respunsabiltà individuala sün quist muond globalisà?», quai chi’d es stat il tema central da tuot l’Eivna da l’aua. Davo quista discussiun han tant il directur da la TESSVM Urs Wohler sco eir l’ambaschadur da l’aua Ernst Bromeis pudü trar ün bilantsch da l’eivna fich positiv. «Nus proseguin cun quist’eivna eir prossem on e quai faina cun schlantsch e satisfacziun», hana declerà.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.