×

Set candidats per tschintg sutgas

En bun dus mais han lieu las elecziuns cumplessivas da la regenza grischuna per la perioda d’uffizi 2015–2018. Per las tschintg sutgas guvernamentalas apireschan ina candidata e sis candidats.

Südostschweiz
07.03.14 - 01:00 Uhr

Elecziuns da la regenza grischuna dals 18 da matg 2014

da Martin Cabalzar

Pervi da la limitaziun dal temp d’uffizi na po sulet cusseglier guvernativ Hansjörg Trachsel betg pli candidar per in’ulteriura perioda d’uffizi. Ils ulteriurs Barbara Janom Steiner (pbd en uffizi dapi 2008), Mario Cavigelli (pcd) e Martin Jäger (ps) (tuts dus dapi 2011) e Christian Rathgeb (pld dapi 2012) recandideschan. Damai ch’il pievel grischun n’ha anc mai snegà la reelecziun ad in cusseglier en uffizi è lur reelecziun tant sco segirada. Per la sutga restanta vegni a dar in cumbat intensiv tranter cusseglier naziunal Heinz Brand (pps) e deputà e parsura da partida Jon Domenic Parolini (pbd).

Per facilitar a votantas e votants la furmaziun da mainis lantschescha La Quotidiana oz ed en il decurs dal proxim temp ina vasta campagna d’infurmaziun. Tenor noss concept redacziunal consista quella d’infurmaziuns generalas, analisas e commentaris. Plinavant furman las tribunas politicas dals candidats, ils forums da las partidass, las intervistas cun ils candidats e chartas da lecturs e recumandaziuns electoralas ina part integrala da quest concept.

Cun ses concept electoral vul La Quotidiana garantir ina vasta infurmaziun ed in tractament fair ed equivalent da las partidas e dals candidats. Ultra da la part commerziala (inserats) metta La Quotidiana er a disposiziun ina plattafurma redacziunala tenor reglas fixadas. Noss princip è: La gasetta infurmescha, la propaganda per candidatas e candidats è dentant chaussa da las partidas.

La Quotidiana dat oz l’entschatta da l’infurmaziun electorala cun in’intervista cun il candidat verd-liberal Jürg Kappeler.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR