Scola da skis Savognin: Pi pacs giasts privats

(anr/gns) Nign onn da record per la Scola da skis Savognin e tuttegna ò igl menaschi luvro bagn igl anviern 2013/14. Igl domber dallas lecziuns è angal sa dminuia per pac. S’augmentadas èn persiva las lecziuns da snowboard. Giasts privats ò la scola da skis er gia damanc ed igl madem vala er pigl Pinocchio Club, noua tgi igls unfants on da mezde la pussebladad dad eir a giantar. Fatg ò la Scola da skis Savognin, tgi occupescha igl anviern 70 scolasts da skis, igl davos onn da gestiun ena sviouta da 945 000 francs.