Sanaziun radicala

Emprema badelada dil niev baghetg da scola a Sagogn

Il baghetg existent da 60 onns ei en in schliet stan e vegn spazzaus. Avon che quei succeda san ils scolars observar co il baghetg niev da lur scola vegn construius ed allura da quel anora co il baghetg vegl digl onn 1953 vegn spazzaus. La halla polivalenta annexa alla casa da scola resta. Il gliendisdis ei l’emprema badelada dil baghetg planisaus dil biro d’architectura Curschellas e Gasser succedida. Ei setracta d’in «Crapun» da betun tschentaus gest avon il baghetg existent. La ligiadira dallas fassadas purtontas risguarda il conturn cun differents baghetgs historics. El «Crapun» secasan la scoletta, la scola primara e la canzlia. La midada el baghetg da tschun alzadas ei previda per l’entschatta 2015.