S-chanf nu lascha pender las elas

Quels nu bastaron tenor il cusglier guvernativ Martin Jäger però per guadagner la luotta. «Scha nossa vschinauncha füss situeda immez la Svizra vessan guadagno la candidatura per dvanter il lö dal nouv center naziunel per sports d’inviern», disch Duri Campell, il president cumünel da S-chanf. La ragiundschibilted da la vschinauncha situeda a la periferia dal pajais e per consequenza la disponabilted da quella sun nempe ils unics puncts chi haun pissero per ün strich cotschen suot la candidatura da S-chanf. Da lascher pender uossa las elas nu vain per quels da S-chanf però in dumanda. Els cumbattan inavaunt per pudair spordscher eir a persunas civilas l’infrastructura chi vain nüzzageda per intant be dal militer svizzer.