×

Respargn da 15% ei pusseivels

In potenzial da respargn d’energia electrica exista buca mo el singul tenercasa. Era las interpresas grondas disponan meinsvart da differentas pusseivladads d’optimar lur consum.

Südostschweiz
17.04.14 - 02:00 Uhr

Ils 200 menaschis gronds dil Grischun consumeschan 30 pertschien dall’energia electrica

Da Hans Huonder / anr

Tenor igl Uffeci cantunal per energia e traffic consumeschan las 200 pli grondas interpresas dil cantun Grischun rodund 30 pertschien da tutta energia electrica. Tenor la legislaziun e las finamiras futuras pil sectur dall’energia ei quei damemia. Egl avegnir duein 15 pertschien da quella energia vegnir spargnai. Pusseivel ei quei buca mo cun ina optimaziun dall’infrastructura, mobein era sin fundament d’ina megliera efficienza tier ils process da lavur, concretamein las installaziuns tecnicas persuenter. «La finamira dil program d’optimaziun ei da sensibilisar las interpresas grondas da spargnar energia e quei senza restrenscher lur confort. Grazia a mesiras economicas san ils menaschis allura profitar da cuosts d’energia pli bass», constatescha igl Uffeci cantunal per energia e traffic. Differents menaschis gronds ein gia lundervi d’analisar lur pusseivladads da respargn, per part ein las mesiras persuenter gia vegnidas realisadas. L’incumbensa dils menaschis gronds ei da laschar examinar lur infrastructura. Las mesiras proponidas sin fundament d’ina expertisa ston allura star en relaziun economica. Quei vul dir che las investiziuns persuenter ston esser amortisablas enteifer paucs onns. Quella acziun stat en connex cun la finamira da reducir las emissiuns per onn e habitont sin ina tonna CO2.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR