×

Relicts da l’Emprima guerra mundiala

(anr/vi) Il servetsch archeologic va novas vias. El inventarisescha ils fastizs da l’Emprima guerra mundiala. Cumenzà han ins sin il Pass d’Umbrail. Uss cuntinueschan ins en il Grischun central.

Südostschweiz
24.07.14 - 02:00 Uhr
Relicts da l’Emprima guerra mundiala

«Nus essan ils emprims en Svizra che sa fatschentain da monuments da l’Emprima guerra mundiala», di Thomas Reitmaier, manader dal Servetsch archeologic grischun. Per il solit èsi uschia ch’ils archeologs vegnan activs pir sch’in monument è sin il precint da svanir. Pertutgant ils fastizs da l’emprima guerra vul ins agir proactiv e registrar per las generaziuns vegnentas tge fastizs ch’èn oz anc avant maun.Igl è ina iniziativa a chaschun da l’onn commemorativ per l’Emprima guerra mundiala. Fin il 2018 vul il Servetsch archeologic grischun avair cumplet l’inventari davart l’emprima guerra. Ils «monuments» – per exempel foss da sajettar u serras cunter tancs – sa chattan cunzunt sin pass strategics grischuns nua che l’armada svizra vuleva impedir ina invasiun da truppas talianas.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR