Regiun pastorala Breil-Trun vegn sistida
(rtr) Suenter la demissiun da las gidantras vegn la collavuraziun en il rom da la Regiun pastorala Breil-Trun sistida per la fin favrer 2014. Quai communitgeschan ils parsuras da las duas plaivs.
(rtr) Suenter la demissiun da las gidantras vegn la collavuraziun en il rom da la Regiun pastorala Breil-Trun sistida per la fin favrer 2014. Quai communitgeschan ils parsuras da las duas plaivs.
La decisiun definitiva en chaussa han las radunanzas generalas da las tschintg plaivs e da la chaplania cumpigliada. Quellas han lieu en il decurs da la primavaira.
Cun la partenza da las gidantras pastoralas mancan las resursas persunalas per pudair garantir vinavant il manaschi da la regiun pastorala en la furma previsa.
Differenzas ideologicas
La raschun per schliar la regiun pastorala èn differenzas pertutgant il maletg da la baselgia sco era da las opiniuns teologicas e pastoralas entaifer il team pastoral. Tenor communicaziun saja la pastoraziun da las plaivs era segirada suenter la fin favrer senza interrupziun. Sur Tomasz Piotr Drwal vegn puspè a concentrar sia activitad sin la vischnanca da Trun. Per las plaivs da Breil saja quai reussì da segirar in manaschi pastoral transitoric.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.